ത്രിഫലാ രജനീ  മുസ്തം കണ്ടകാരിയുഗം ശഠീ

ത്രികടു ഗ്രന്ഥികം മൂര്‍വ്വാ ഗുളൂചി ധന്വയാഷകം

കടുകാ പര്‍പ്പടീ മുസ്താ ത്രായമാണോ ച വാളകം

നിംബ പുഷ്കരമൂലം ച മധുയഷ്ടി ച വത്സകം

യവാനീന്ദ്രയവോ ഭാര്ങ്ഗീ ശിഗ്രുബീജംസുരാഷ്ടജം

വചാത്വക് പത്മകോശീരം ചന്ദനാതിവിഷാ ബലാ

ശാലിപര്‍ണ്ണീ പൃശ്നിപര്‍ണ്ണീ വിഡംഗം തകരം തഥാ

ചിത്രകോ ദേവകാഷ്ഠം ച ചവ്യം പത്രം പടോലജം ജീവകര്‍ഷഭകൌെ ചൈവ വിഡംഗം വംശരോചനാ

പുണ്ഡരീകം ച കാകോളീ പത്രജം ജാതിപത്രകം

താലീസപത്രഞ്ച തഥാ സമഭാഗിനി  ചൂര്‍ണ്ണയേല്‍ 

സര്‍വചൂര്‍ണ്ണസ്യ ചാര്‍ദ്ധാംശം കിരാതം നിക്ഷപേല്‍സുധി

ഏതല്‍ സുദര്‍ശനം നാമചൂര്‍ണ്ണം ദോഷത്രയാപഹം

ജ്വരാംശ്ച നിഖിലാന്‍ ഹന്യാത്നത്രകാര്യാവിചാരണം

ശ്വാസംകാസംചപാണ്ഡും ച ഹൃദ്രോഗം ഹന്തികാമിലാം

ത്രിഫലത്തോട്, വരട്ടുമഞ്ഞള്‍,മുത്തങ്ങാക്കിഴങ്ങ്, കണ്ടകാരിചുണ്ടവേര്, പടർച്ചുണ്ടവേര്, കച്ചോലക്കിഴങ്ങ് ,ചുക്ക്, കുരുമുളക്, തിപ്പലി ,കാട്ടുതിപ്പലിവേര്, പെരുങ്കുരുമ്പവേര്, അമൃത്, കൊടിത്തൂവവേര്, കടുകുരോഹിണി, പർപ്പടകപ്പുല്ല്, മുത്തങ്ങാ, ബ്രഹ്മി, ഇരുവേലി, വേപ്പിന്‍തൊലി, പുഷ്കരമൂലം (വെളളക്കൊട്ടം), ഇരട്ടിമധുരം, കുടകപ്പാലയരി,ജീരകം, ചെറുതേക്ക്, മുരിങ്ങക്കുരു, ചെറുതിപ്പലി,വയമ്പ്, ഇലവര്‍ങ്ഗം, പതുമുകം, രാമച്ചം, ചന്ദനം , അതിവിടയം, കുറുന്തോട്ടിവേര്, വരിനെല്ലിന്‍വേര്, മൂവിലവേര്, വിഴാലരിപ്പരിപ്പ്,തകരം, കൊടുവേലിക്കിഴങ്ങ്, ദേവതാരം, കാട്ടുമുളകിൻവേര്, പടവലത്തില, ജീവകം, ഇടവകം ,വിഴാലരിപ്പരിപ്പ്, മുളംകര്‍പ്പൂരം (മുളമുത്ത്), താമരയല്ലി, കാകോളി, പച്ചില, ജാതിപത്രി, താലീസപത്രി ,ഇവ സമം പൊടിച്ച് എല്ലാം കൂടിയതിന്റെ നേർപകുതി പുത്തരിച്ചുണ്ടവേരിന്‍പൊടിയും (കിരിയാത്തും ചേര്‍ക്കുന്ന വരുണ്ട്) ചേര്‍ത്തുവച്ചിരുന്നു കുറേശ്ശെ സേവിക്കുക;  ഈ സുദര്‍ശനചൂര്‍ണ്ണം ത്രിദോഷങ്ങളേയും ശമിപ്പിക്കും. 

എല്ലാ ജാതി ജ്വരങ്ങളും, ശ്വാസകാസങ്ങളും, പാണ്ഡു, ഹൃദ്രോഗം, കാമില, ഇവയേയും ശമിപ്പിക്കും. (ചില മരുന്നുകള്‍ രണ്ടുപ്രാവശ്യം പറഞ്ഞിരിക്കുന്നത് ഇരട്ടി ചേര്‍ക്കണമെന്നര്‍ത്ഥം).