Saraswatarishta:
Synonyms: Saraswatharishtam Malayalam referance: സാരസ്വതാരിഷ്ടം
Preparation of സാരസ്വതാരിഷ്ടം :
പൂയം നക്ഷത്രദിവസം ബ്രാഹ്മമുഹൂര്ത്തസമയം (രണ്ടുനാഴികവെളുക്കാനുളളപ്പോള്) എടുത്ത ബ്രഹ്മി സമൂലം പലം ഇരുപത്. ശതാവരിക്കിഴങ്ങ്, പാൽമുതക്ക്ന്കിഴങ്ങ്, കടുക്കാത്തോട്, രാമച്ചം, ഇഞ്ചി, ശതകുപ്പ, ഇവ അഞ്ചുപലം. ഇവ എല്ലാം കൂടി പതിനാറിടങ്ങഴി വെളളത്തില് കഷായംവച്ചു നാലൊന്നാക്കി(നാലിടങ്ങഴിയാക്കി) ഒരു തുണികൊണ്ട് അരിച്ചെടുക്കണം. തേൻ പലം പത്ത് (പത്തുതുടം) ,പഞ്ചസാര പലം ഇരുപത്തഞ്ച്, ഇവയും താതിരിപ്പൂവ് പലം അഞ്ച്. അരേണുകം (വാല്മുളക്), ത്രികൊല്പ്പക്കൊന്ന, തിപ്പലി, ഗ്രാമ്പൂവ്, വയമ്പ്, കൊട്ടം ,അമുക്കുരം, താന്നിക്കാത്തോട്, അമൃതിന്നൂറ്, വിഴാലരി, ഇലവര്ങ്ഗത്തൊലി, ഇവ മൂന്നു കുഴഞ്ചുവീതമെടുത്തു പൊടിച്ചപൊടിയും ചേര്ത്ത് ഒരു സ്വര്ണ്ണക്കുടത്തിലോ പുതിയ ഒരു മണ്കുടത്തിലോ ആക്കി ചെറുതായി നുറുക്കിയ മൂന്നുകഴഞ്ചു സ്വര്ണ്ണത്തകിടും ഇട്ട് അടച്ചു കെട്ടി ഒരു മാസം കഴിഞ്ഞ് സ്വര്ണ്ണത്തകിടുകള് അതില് ലയിച്ചു ചേര്ന്നതിനു ശേഷം എടുത്ത് ഒരു മുണ്ടുകൊണ്ടരിച്ച് നെയ് തേച്ചുമയങ്ങിയ ഒരു പാത്രത്തിലാക്കിവയ്ക്കുക. ഈ സാരസ്വതാരിഷ്ടം അമൃതിനു തുല്യവും ശിഷ്യന്മാരുടെ ഉപകാരത്തിനായി ധന്വന്തരിയാല് നിര്മ്മിക്കപ്പെട്ടതും ആകുന്നു. ഈ അരിഷ്ടം സേവിച്ചാല് ആയുസ്സ് ,വീര്യം ,ധൈര്യം ,ധാരണാശക്തി ,ബലം ,കാന്തി ,ഇവ വര്ദ്ധിക്കുകയും വാഗ്വിശുദ്ധിയും ഉണ്ടാകുകയും ചെയ്യും. ഇതു ബാലന്മാര്ക്കും, യുവാക്കള്ക്കും, വൃദ്ധന്മാര്ക്കും ,സ്ത്രീപുരുഷന്മാര്ക്കും, ഹിതവും ഏറ്റവും ഓജസ്ക്കരവും ആകുന്നു. സ്വരകാര്ക്കശ്യം, അസ്പഷ്ടഭാഷണം ഇവയെ നശിപ്പിച്ച് കുയിലിനു തുല്യമായ സ്വരത്തെ പ്രദാനം ചെയ്യും. ആര്ത്തവദോഷത്താല് ദുഷിച്ച സ്ത്രീകള്ക്കും ശുക്ളദോഷമുളള പുരുഷന്മാര്ക്കും ഇതു ശുഭവും സര്വ്വദോഷഹരവും ആകുന്നു. അധികം പഠിക്കുക, വളരെ പാടുക ഇവ നിമിത്തം ഓര്മ്മയും ബലവും നശിച്ചവര്ക്ക് ഈ അരിഷ്ടം സേവിച്ചാല് മനസ്സന്തോഷവും ഓര്മ്മശക്തിയുമുണ്ടാകും. ഈ അരിഷ്ടം മുക്കാല് കഴഞ്ചെടുത്ത് പാല് ചേര്ത്താണു സേവിക്കേണ്ടത്. അങ്ങനെ രണ്ടുമാസം സേവിച്ചാല് സകല രോഗങ്ങളും ശമിക്കുകയും ഒരു വര്ഷം സേവിച്ചാല് സകല സിദ്ധികളും ഉണ്ടാവുകയും ചെയ്യും.
Indications of സാരസ്വതാരിഷ്ടം :
അകാലമൃത്യുവിനെ തടുക്കുക, സ്ത്രീകളില് പ്രിയത, വാക്ശുദ്ധി ,ധൈര്യം, ഓര്മ്മശക്തി ,ഇവ കാംക്ഷിക്കുന്നവര്ക്ക് ഈ അരിഷ്ടം അമൃതിനു സമമായിട്ടുളളതാകുന്നു.
Referances
Sahasrayogam
- Comments
- Add photo
